ಬಾಗಲಕೋಟೆ

ಬಾದಾಮಿಯಲ್ಲಿ ಕುಡಿಯುವ ನೀರಿನ ಪೈಪ್​ಲೈನ್; ಮರಗಳ ಮಾರಣ ಹೋಮ

ಬಾಗಲಕೋಟೆ: ಶಾಶ್ವತ ಕುಡಿಯುವ ನೀರಿನ ಯೋಜನೆಯ ಪೈಪ್ ಲೈನ್ ಅಗೆಯುವ ವೇಳೆ ಹಲವು ಮರಗಳು ಮಾರಣಹೋಮ ಆಗಿರುವುದಕ್ಕೆ ಬಾದಾಮಿ ಪರಿಸರವಾದಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ..

ಬಾಗಲಕೋಟೆ ಜಿಲ್ಲೆ ಬಾದಾಮಿ ಮತಕ್ಷೇತ್ರದ ಶಾಸಕ , ವಿಪಕ್ಷ ನಾಯಕ ಸಿದ್ಧರಾಮಯ್ಯ, ಬಾದಾಮಿ, ಕೆರೂರು ಪಟ್ಟಣ ಹಾಗೂ ಅಂದಾಜು 18ಗ್ರಾಮಗಳಿಗೆ ಆಲಮಟ್ಟಿ ಅಣೆಕಟ್ಟು ಹಿನ್ನೀರಿನಿಂದ ಶಾಶ್ವತ ಕುಡಿಯುವ ನೀರಿನ ಯೋಜನೆ ಮಂಜೂರು ಮಾಡಿಸಿದ್ದಾರೆ. 230ಕೋಟಿ ಕುಡಿಯುವ ನೀರಿನ ಯೋಜನೆ ಇದಾಗಿದ್ದು, ಆಲಮಟ್ಟಿ ಅಣೆಕಟ್ಟೆ ಜಲಾಶಯದ ಹಿನ್ನೀರು ಪ್ರದೇಶದಿಂದ ಗುಳೇದಗುಡ್ಡ ಮಾರ್ಗವಾಗಿ ಬಾದಾಮಿ, ಕೆರೂರು ಪಟ್ಟಣ, ಮಾರ್ಗ ಮಧ್ಯೆ ಬರುವ ಗ್ರಾಮಗಳಿಗೆ ಪೈಪ್ ಲೈನ್ ಹಾಕಲಾಗುತ್ತಿದೆ. ಪೈಪ್ ಲೈನ್ ಅಗೆಯುವ ವೇಳೆ ಕುಟಕನಕೇರಿ ಗ್ರಾಮದ ಬಳಿ 40ಕ್ಕೂ ಹೆಚ್ಚು ಮರಗಳನ್ನು ಮಾರಣಹೋಮ ಮಾಡಲಾಗಿದೆ.

ಪೈಪ್ ಲೈನ್ ತಗ್ಗು ಅಗೆಯುವಾಗ ಮರಗಳನ್ನು ಮುಚ್ಚಿ ಹಾಕಲಾಗಿದೆ. ಆಲಮಟ್ಟಿ ಅಣೆಕಟ್ಟೆಯ ಜಲಾಶಯದಿಂದ ಪೈಪ್ ಲೈನ್ ಬರುವ ವೇಳೆ ಅಲ್ಲಿಯೂ ಮರಗಳಿಗೆ ಹಾನಿ ಮಾಡಲಾಗಿ. ಮರಗಳನ್ನು ಮಾರಣಹೋಮ ಮಾಡಿರುವ ಗುತ್ತಿಗೆದಾರರ ವಿರುದ್ಧ ಕ್ರಮ ಕೈಗೊಂಡು ಪುನಃ ಮರಗಳನ್ನು ನೆಡುವ ಕಾರ್ಯವಾಗಬೇಕು ಎಂದು ಬಾದಾಮಿ ನಿಸರ್ಗ ಬಳಗದ ಅಧ್ಯಕ್ಷ ಎಚ್ ಎಸ್ ವಾಸನ ಆಗ್ರಹಿಸಿದ್ದಾರೆ. ಸಾಮಾಜಿಕ ಅರಣ್ಯ ಇಲಾಖೆ ಅಧಿಕಾರಿಗಳು, ಸಂಬಂಧಿಸಿದ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದಿದ್ದು, ಮರಗಳ ಮಾರಣ ಹೋಮ ಮಾಡಿರುವುದಕ್ಕೆ ಪರಿಸರವಾದಿಗಳು ನೋವು ವ್ಯಕ್ತಪಡಿಸುತ್ತಿದ್ದಾರೆ. ಈ ಬಗ್ಗೆ ತನಿಖೆ ಕೈಗೊಳ್ಳುವಂತೆ ಆಗ್ರಹಿಸಿ, ಮರಗಳಿಗೆ ಧಕ್ಕೆಯಾಗದಂತೆ ಪೈಪ್ ಲೈನ್ ಅಳವಡಿಸುವಂತೆ ಕೋರಿದ್ದಾರೆ.

ಒಟ್ಟಿನಲ್ಲಿ, ಕುಡಿಯುವ ನೀರಿನ ಯೋಜನೆ ಪೈಪ್ ಲೈನ್ ಗಾಗಿ ಮರಗಳನ್ನು ಮಾರಣಹೋಮ ಮಾಡಿರುವುದು ಎಷ್ಟು ಸರಿ. ಇನ್ಮೇಲಾದರೂ ಗುತ್ತಿಗೆದಾರರು ಮರಗಳಿಗೆ ಹಾನಿಯಾಗದಂತೆ ಪೈಪ್ ಲೈನ್ ಅಳವಡಿಸಿ, ಮತ್ತೇ ಮರಗಳನ್ನು ನೆಡುವ ಕಾರ್ಯ ಆಗಬೇಕಿದೆ.

Spread the love

Related Articles

Leave a Reply

Your email address will not be published. Required fields are marked *

Back to top button