DISTRICT: ಚಿಕ್ಕಮಗಳೂರು: ಕಾಫಿತೋಟದಲ್ಲಿ ಓಡಾಡುತ್ತಿದ್ದ ಕಡವೆಯನ್ನು ಕೊಂದು ಅದರ ಮಾಂಸದ ಅಡುಗೆಗೆ ತಯಾರಿ ನಡೆಸುತ್ತಿದ್ದ ಐವರು ಆರೋಪಿಗಳು ಸೆರೆಯಾಗಿದ್ದಾರೆ. ಗಣೇಶ, ಬಸಯ್ಯ, ಉಮೇಶ, ಕಲ್ಲೇಶ, ಕೃಷ್ಣಪ್ಪ ಬಂಧಿತ ಆರೋಪಿಗಳಾಗಿದ್ದಾರೆ. ಮುತ್ತೋಡಿ ಪ್ರಾದೇಶಿಕ ಅರಣ್ಯವಲಯದ ಸಮೀಪ ಮೇಲಿನ ಹುಲುವತ್ತಿ ಗ್ರಾಮದ ಕರೆಮನೆ ಮಂಜುನಾಥಗೌಡ ಎಂಬವರ ಕಾಫಿ ತೋಟದಲ್ಲಿ ಓಡಾಡುತ್ತಿದ್ದ ಕಡವೆಯನ್ನು ಕೆಲವರು ಮಾಂಸಕ್ಕಾಗಿ ಬೇಟೆಯಾಡಿದ್ದಾರೆ. ನಂತರ ಅದರ ಮಾಂಸದ ಅಡುಗೆಗೆ ತಯಾರಿ ನಡೆಸಲಾಗಿದೆ. ವಿಷಯ ತಿಳಿದ ಅರಣ್ಯಾಧಿಕಾರಿಗಳ ತಂಡ ಶೋಧ ನಡೆಸಿದಾಗ, ಕಡವೆಯ ಮಾಂಸ, ಕಾಲುಮೂಳೆಗಳು, ಬೇಯಿಸಲು ಬಳಸಿದ ಪಾತ್ರೆ, ಕತ್ತಿಗಳು ಸಿಕ್ಕಿದ್ದು, ಅವುಗಳನ್ನು ವಶಕ್ಕೆ ಪಡೆದಿದ್ದಾರೆ. ಡಿ.ಎಫ್.ಒ ಜಗನ್ನಾಥ್, ಎ.ಎಫ್.ಒ ಮುದ್ದಣ್ಣ, ಆರ್.ಎಫ್.ಒ ಕಿರಣ್ ಹಾಗೂ ಕಿರಿಯ ಅಧಿಕಾರಿಗಳಾದ ವೀರೇಶ್, ವಿಶ್ವನಾಥ್, ಯಾಸೀನ್, ನಾಗರಾಜ್, ಸಿಬ್ಬಂದಿಗಳಾದ ಪ್ರವೀಣ್, ಮಲ್ಲಿಕಾರ್ಜುನ್, ವಾಹನ ಚಾಲಕ ಅಣ್ಣಪ್ಪ, ಅನ್ಸಾರ್, ಮಂಜುನಾಥ್ ಇದ್ದರು.