ENTERTAINMENT:

ಸ್ತನ್ಯಪಾನ ಮಾಡುವ ವಿಡಿಯೋ ಪೋಸ್ಟ್ ಮಾಡುವಂತೆ ಒತ್ತಾಯಿಸಿದ ಟ್ರೋಲಿಗರಿಗೆ ನಟಿ ನೇಹಾ ಧೂಪಿಯಾ ಅವರು ತಕ್ಕ ಉತ್ತರ ನೀಡಿದ್ದಾರೆ, ಹಾಗೂ ಸ್ತನ್ಯಪಾನವನ್ನು ಲೈಂಗಿಕವಾಗಿ ನೋಡುವಂತಹ ಟ್ರೋಲಿಗರ ಚಳಿ ಬಿಡಿಸಿದ್ದಾರೆ.

ನಟಿ ನೇಹಾ ಧೂಪಿಯಾ ಅವರು ಪತಿ ಅಂಗದ್ ಬೇಡಿ ಅವರೊಂದಿಗೆ ಎರಡನೇ ಮಗುವನ್ನು ನಿರೀಕ್ಷಿಸುತ್ತಿರುವುದಾಗಿ ಸೋಮವಾರ ಸೋಶಿಯಲ್ ಮೀಡಿಯಾದಲ್ಲಿ ತಿಳಿಸಿದ್ದಾರೆ. ಅದರ ಜೊತೆಗೆ ಅವರು ತಮ್ಮ ಕುಟುಂಬದ ಚಿತ್ರವನ್ನು ಆರಿಸಿಕೊಂಡಿದ್ದು, ಅದರಲ್ಲಿ ಅವರು ತಮ್ಮ ಮಗಳು ಮೆಹರ್ ಗೆ ಹಾಲುಣಿಸುವ ಫೋಟೊ ಫೋಸ್ಟ್ ಮಾಡಿದ್ದಾರೆ.

ಆಗ ಕೆಲವು ಟ್ರೋಲಿಗರು ಸ್ತನ್ಯಪಾನ ಮಾಡುವ ವಿಡಿಯೋ ಪೋಸ್ಟ್ ಮಾಡುವಂತೆ ಒತ್ತಾಯಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ನಟಿ ನೇಹಾ ಧೂಪಿಯಾ, ನಿಮ್ಮ ಪೇಜ್ ನಲ್ಲಿ ನಿಮ್ಮ ತಾಯಿ/ಅಜ್ಜಿಯ ಚಿತ್ರವನ್ನು ನೀವು ನೋಡಬಹುದು. ದಯವಿಟ್ಟು ಅವರನ್ನು ಕೇಳಿ. ಅವರು ನಿಮಗೆ ತೋರಿಸುತ್ತಾರೆ ಎಂದು ತಕ್ಕ ಉತ್ತರ ನೀಡಿದ್ದಾರೆ.

ನೇಹಾ ಧೂಪಿಯಾ ಅವರು ಮೇ 2018ರಲ್ಲಿ ಅಂಗದ್ ಬೇಡಿಯೊಂದಿಗೆ ಮದುವೆಯಾದರು. ಈ ದಂಪತಿಗಳು 2018ರ ನವೆಂಬರ್ ನಲ್ಲಿ ಮಗಳು ಮೆಹರ್ ಗೆ ಜನ್ಮ ನೀಡಿದ್ದಾರೆ.