ಮೋನಿಕಾ ಲೆವೆನ್ಸ್ಕಿ ಮತ್ತು ಓರೆಗಣ್ಣಿನ ಎಮೋಜಿ
ಅದೊಂದು ಪ್ರಶ್ನೆ, ಊಬರ್ ಫ್ಯಾಕ್ಟ್ಸ್ ಎಂಬ ಟ್ವಿಟರ್ ಖಾತೆಯಿಂದ. ಶ್ವೇತಭವನದ ಮಾಜಿ ಉದ್ಯೋಗಿ ಮೊನಿಕಾ ಲೆವೆನ್ಸ್ಕಿಗೆ ಕೇಳಲಾಗಿದ್ದ ಆ ಪ್ರಶ್ನೆ ಹೀಗಿತ್ತು:
"ಕಡಿಮೆ ಲಅಭಕ್ಕೋಸ್ಕರ ಹೆಚ್ಚು ರಿಸ್ಕ್ ತೆಗೆದುಕೊಂಡು ಯಾವತ್ತಾದರೂ ನೀವು ಮಾಡಿದ್ದ ಒಂದು ಕೆಲಸ?"
ಈ ಪ್ರಶ್ನೆಗೆ ಮೊನಿಕಾ ಒಂದೇ ಒಂದು ಎಮೋಜಿಯ ಮೂಲಕ ಉತ್ತರಿಸಿದ್ದು ಮೆಚ್ಚುಗೆಗೆ ಪಾತ್ರವಾಗಿದೆ. ಪರ್ಫೆಕ್ಟ್ ಟ್ವೀಟ್ ಎಂದೊಬ್ಬರು ಇದ್ದಕ್ಕೆ ಪ್ರತಿಕ್ರಿಯಿಸಿದ್ದಾರೆ.
ಅಷ್ಟಕ್ಕೂ ಮೊನಿಕಾ ಬಳಸಿದ ಎಮೋಜಿ ಓರೆಗಣ್ಣಿನದು. ಇದಕ್ಕೆ 2.7 ಲಕ್ಷ ಲೈಕ್ಸ್ ಬಂದಿವೆ. 50 ಸಾವಿರದಷ್ಟು ರೀಟ್ವೀಟ್ ಆಗಿದೆ. ಮೆಚ್ಚಿಕೊಂಡು ನೂರಾರು ಮಂದಿ ಪ್ರತಿಕ್ರಿಯಿಸಿದ್ದಾರೆ.
1990ರಲ್ಲಿ ಅಮೆರಿಕಾ ಅಧ್ಯಕ್ಷರಾಗಿದ್ದ ಬಿಲ್ ಕ್ಲಿಂಟನ್ ಜೊತೆಗಿನ ಸಂಬಂಧದ ಕಾರಣದಿಂದ ಜಗತ್ತಿನಾದ್ಯಂತ ಸುದ್ದಿಯಾಗಿದ್ದರು ಮೊನಿಕಾ. ಆಗ 22ರ ಹರೆಯದವರಾಗಿದ್ದ ಲೆವೆನ್ಸ್ಕಿಗೆ ಈಗ 47 ವರ್ಷ ವಯಸ್ಸು.
