ENTERTAINMENT:

ಜೂನಿಯರ್ NTR ಅಭಿನಯದ ಸಿನಿಮಾ RRR ಸಿನಿಮಾ ಬಿಡುಗಡೆಯ ಹಂತದಲ್ಲಿ. ಈಗಾಗಲೇ ಈ ಸಿನಿಮಾ ಜನವರಿ 7 ರಂದು ರಿಲೀಸ್ ಆಗಬೇಕಿತ್ತು. ಆದರೆ ಕೊರೊನಾ ಹೆಚ್ಚಳದಿಂದಾಗಿ ಕೆಲ ಕಡೆ ಚಿತ್ರಮಂದಿರಗಳು ಬಂದ್ ಆಗಿದ್ದು, ಇನ್ನು ಕೆಲ ಕಡೆ ಶೇ. 50 ರಷ್ಟು ಆಸನ ಭರ್ತಿ ಗೆ ಅವಕಾಶ ನೀಡಿದೆ.

ಹೀಗಾಗಿ ಆರ್​ಆರ್​​ಆರ್​ ಸಿನಿಮಾ ರಿಲೀಸ್ ದಿನಾಂಕ ಮುಂದೂಡಲಾಗಿತ್ತು. ಅಷ್ಟೆ ಅಲ್ಲದೆ ಹೊಸ ವರ್ಷಕ್ಕೆ ಸಾಕಷ್ಟು ಸಿನಿಮಾ ಬಿಡುಗಡೆಯಾಗಬೇಕಿತ್ತು. ಆದರೆ ಇದೀಗ ಎಲ್ಲ ಸಿನಿಮಾಗಳು ಮುಂದೂಡಲಾಗಿದೆ.

ಇನ್ನು ಆರ್​ಆರ್​​ಆರ್​​ ಸಿನಿಮಾದ ಟ್ರೇಲರ್ ಸಿಕ್ಕಾಪಟ್ಟೆ ಸೌಂಡ್ ಮಾಡಿದೆ. ಇದನ್ನು ಕಂಡ ಅಭಿಮಾನಿಗಳು ಈ ಚಿತ್ರ ರಿಲೀಸ್ ಗಾಗಿ ಕಾದು ಕುಳಿತಿದ್ದರು. ಕೊರೊನಾದಿಂದ ಸಿನಿಮಾ ಮುಂದಕ್ಕೆ ಹೋಗಿದ್ದು ಅಭಿಮಾನಿಗಳಿಗೆ ಭಾರಿ ನಿರಾಸೆ ಉಂಟು ಮಾಡಿತ್ತು. ಇದಿಗ ಚಿತ್ರತಂಡದಿಂದ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದೆ.

ಅಂದಹಾಗೆ ಚಿತ್ರತಂಡ ಈದ್ ಹಬ್ಬದ ದಿನದಂದ್ದು ಚಿತ್ರ ಬಿಡುಗಡೆ ಮಾಡಲು ನಿರ್ಧರಿಸಿದ್ದು, ಅದಕ್ಕಾಗಿ ದಿನಾಂಕವನ್ನು ಹುಡುಕುತ್ತಿದ್ದಾರೆ.ಅಂದರೆ ಏಪ್ರಿಲ್ 29ರಂದು ಈದ್ ಹಬ್ಬದಂದು ಬರಲು ಯೋಜಿಸಿದ್ದು, ಪರಿಸ್ಥಿತಿ ಹತೋಟಿಗೆ ಬಂದ ನಂತರ ಚಿತ್ರತಂಡವೇ ಅಧಿಕೃತವಾಗಿ ಮಾಹಿತಿ ನೀಡಲಿದ್ದಾರೆ.