LIFESTYLE:

ಬಾಲಿವುಡ್ ನ ಎವರ್ ಗ್ರೀನ್ ನಟಿ ಮಾಧುರಿ ದೀಕ್ಷಿತ್ ಇತ್ತೀಚೆಗೆ ತಾವು ಮೇಕಪ್ ಮಾಡಿಕೊಳ್ಳುವ ವಿಧಾನವನ್ನು ಹಂಚಿಕೊಂಡಿದ್ದಾರೆ. ಫ್ಯಾಷನ್ ಮತ್ತು ಮೇಕಪ್ ಆಯ್ಕೆಯನ್ನು ಸದಾ ಸರಳವಾಗಿ ಇಟ್ಟುಕೊಳ್ಳುವುದೇ ಅವರ ಮೊದಲ ಆದ್ಯತೆ ಎಂದಿದ್ದಾರೆ.

ಮೇಕಪ್ ಮಾಡಿಕೊಳ್ಳುವಾಗ ಮೊದಲಿಗೆ ಮೇಲ್ಮುಖವಾಗಿ ಮಾಯಿಸ್ಚರೈಸರ್ ಬಳಸಿ ಎಂದಿದ್ದಾರೆ. ಇದರಿಂದ ಮುಖ ಆದ್ರಗೊಳ್ಳುತ್ತದೆ ಎಂಬುದು ಅವರ ಅಭಿಪ್ರಾಯ.
ಇದಾದ ಬಳಿಕ ಕಣ್ಣಿನ ಕೆಳಭಾಗದ ಕ್ರೀಮ್ ಅನ್ನು ತೆಳುವಾಗಿ ಹಚ್ಚಿಕೊಂಡಿದ್ದಾರೆ. ಇದಕ್ಕೆ ಮಧ್ಯಮ ಗಾತ್ರದ ಸ್ಟಿಪ್ಪಿಂಗ್ ಬ್ರಶ್ ಅನ್ನು ಬಳಸುವುದು ಹೆಚ್ಚು ಸೂಕ್ತ ಎಂಬ ಸಲಹೆಯನ್ನೂ ನೀಡಿದ್ದಾರೆ.

ಮೇಕಪ್ ಹೋಂದಾಣಿಕೆಗೆ ಅರೆಪಾರದರ್ಶಕ ಮೇಕಪ್ ಪೌಡರ್ ಬಳಸಿದ್ದಾರೆ. ಮುಖ ಒಣಗದಂತೆ ನೋಡಿಕೊಳ್ಳಲು ಕನಿಷ್ಠ ಪೌಡರ್ ಬಳಸಿ ಎಂದಿದ್ದಾರೆ. ಕಣ್ರೆಪ್ಪೆಗೂ ತೆಳುವಾಗಿ ಮಸ್ಕರಾ ಹಚ್ಚಿ, ದಪ್ಪವಾದರೆ ಆಕರ್ಷಣೆ ಕಳೆದುಕೊಳ್ಳುತ್ತದೆ ಎಂದಿದ್ದಾರೆ.

ತುಟಿಯ ಬಣ್ಣಕ್ಕೆ ಸಮೀಪವಿರುವ ಲಿಪ್ ಸ್ಟಿಪ್ ಬಳಸುವುದು ಅವರ ಆಯ್ಕೆಯಂತೆ. ತಿಳಿ ಬಣ್ಣದ ಲಿಪ್ ಸ್ಟಿಕ್ ಗಳು ನಿಮ್ಮ ಲುಕ್ ಅನ್ನು ಪರ್ಫೆಕ್ಟ್ ಮಾಡುತ್ತದೆ ಎಂಬುದು ಮಾಧುರಿ ಅವರ ಅಭಿಮತ.