UNCATEGORIZED: ಪೂರ್ಣ ವಿ-ರಾಮ ಹೌದು, ಕೋವಿಡ್ ಕಾರಣಕ್ಕೆ ಅರ್ಧಕ್ಕೇ ನಿಂತ ನೀರಾಗಿದ್ದ ಬಿಗ್ ಬಾಸ್ ಸೀಜನ್ ಎಂಟು ಕನ್ನಡ ಮತ್ತೆ ಟೇಕಾಫ್ ಆಗಲಿದೆ. ಕಿಚ್ಚ ಸುದೀಪ್ ನಿರೂಪಿತ, ಪರಮೇಶ್ವರ ಗುಂಡ್ಕಲ್ ನಿರ್ದೇಶಿತ, ಕಲರ್ಸ್ ಕನ್ನಡ ಸಂಯೋಜಿತ, ಒಂದಷ್ಟು ಸೆಲೆಬ್ರಿಟಿಗಳಿಂದ ರಂಜಿತ ಇದೇ ಬಿಗ್ ಬಾಸ್, ತನ್ನ ಇತಿಹಾಸದಲ್ಲೇ ಅರ್ಧಕ್ಕೆ ನಿಲ್ಲುವ ಮೂಲಕ ಹಾಗೊಂದು ದಾಖಲೆ ಮಾಡಿತ್ತು! ಅದೇ ಬಿಗ್ ಬಾಸ್ ಇದೀಗ ಮತ್ತೆ ಶುರುವಾಗಲಿದ್ದು, ದೊಡ್ಮನೆ ಒಳಗೆ ಸೇರಿಕೊಂಡಿದ್ದ ಎಲ್ಲಾ ಸೋ ಕಾಲ್ಡ್ ಸೆಲೆಬ್ರಿಟಿಗಳನ್ನು ಈಗಾಗಲೇ ಕ್ವಾರಂಟೈನ್ ಮಾಡಲಾಗಿದೆ! ಆ ಮನೆಗೂ ಮುಂಚೆ ಈ ಮನೆ! ಕೋವಿಡ್ 19 ಎರಡನೇ ಅಲೆಯ ಕಾರಣಕ್ಕೆ ಈಗಾಗಲೇ ಪಾಲ್ಗೊಂಡು ಕಣ್ಣೀರಿಡುತ ವಾಪಸಾದ ಎಲ್ಲಾ ಸೆಲೆಬ್ರಿಟಿಗಳನ್ನು ಹೋಟೆಲ್ ಒಂದರಲ್ಲಿ ಕ್ವಾರಂಟೈನ್ ಮಾಡಲಾಗಿದೆ. ಅವರನ್ನು ಯಾರೂ ಸಂಪರ್ಕಿಸಬಾರದು, ಯಾರೂ ಅವರನ್ನು ಸಂಕರ್ಕ ಮಾಡಬಾರದು ಎಂಬ ರೂಲ್ಸ್ ನೊಂದಿಗೆ ಬಿಗ್ ಮನೆ ಒಳಗಡೆ ಕಳಿಸುವ ತಯಾರಿ ನಡೆಸಿದೆ ಕಲರ್ಸ್ ಕನ್ನಡ ವಾಹಿನಿ! ಕೊರೋನಾದಿಂದ ಕಿಚ್ಚ ಬಳಲಿದ್ದೇ ಮೇನ್ ಕಾರಣ! ಈ ಸಲದ ಬಿಗ್ ಬಾಸ್ 8 ಅರ್ಧಕ್ಕೇ ಸ್ಟಾಪ್ ಆಗಲು ಮೇನ್ ಕಾರಣ-ಕಿಚ್ಚನಿಗೆ ಕೋವಿಡ್ ಪಾಸಿಟಿವ್ ಬಂದು ಬಳಲಿದ್ದು. ಅದರ ಜೊತೆಗೆ ಬಿಗ್ ಬಾಸ್ ಕಾರ್ಯಕ್ರಮ ನಡೆಸುವ ಒಂದಷ್ಟು ಸಿಬ್ಬಂದಿ ವರ್ಗವೂ ಆಗಾಗ ಕೆಮ್ಮಲು ಶುರುಮಾಡಿದ್ದರು. ಅದೇ ರೀಸನ್ ಇಂದಾಗಿ ಈ ಸೀಜನ್ ಅರ್ಧಕ್ಕೇ ನಿಂತುಹೋಗಿತ್ತು. ಇದೀಗ ಕೋವಿಡ್ ಎರಡನೇ ಅಲೆ ಕಡಿಮೆಯಾಗಿದ್ದು, ಲಾಕ್ ಡೌನ್ ಅನ್ನು ಸರಕಾರ ತೆಗೆದುಹಾಕಿರೋ ಕಾರಣಕ್ಕೆ ಇದೀಗ ಮತ್ತೆ ಬಿಗ್ ಬಾಸ್ ಎಂಟು ಮತ್ತೆ ಲೋಕಾರ್ಪಣೆಗೊಳ್ಳಲಿದೆ. ಚಂದ್ರಚೂಡ್ ಚಕ್ರವರ್ತಿ, ಪ್ರಶಾಂತ ಸಂಭರಗಿ, ನಿಧಿ ಸುಬ್ಬಯ್ಯ ಸೇರಿದಂತೇ ಒಂದಷ್ಟು ಕಲಾಗುಚ್ಛಗಳು ಮನೆ ಸೇರಿಕೊಳ್ಳಲಿದ್ದಾರೆ. ನಿಮಗೆ ಪ್ರತಿನಿತ್ಯ ಮತ್ತದೇ ಗೋಳು, ಕಣ್ಣೀರು, ಮಸ್ತ್ ಮಜಾ ಕೊಡಲಿದ್ದಾರೆ. ಕಿಚ್ಚ ಸುದೀಪ ಗತ್ತಿನ ನಿರೂಪಣೆಯೊಂದಿಗೆ ಮತ್ತೆ ವೀಕೆಂಡ್ ನಲ್ಲಿ ಪ್ರತ್ಯಕ್ಷವಾಗಲಿದ್ದಾರೆ… ಗೆಟ್ ರೆಡಿ ಫಾರ್ ಮತ್ತೊಮ್ಮೆ ಮನರಂಜನೆ!