ENTERTAINMENT:

ಹಾವೇರಿ ಜಿಲ್ಲೆಯ ಶಿಗ್ಗಾವಿ ಪಟ್ಟಣದ ರಾಜಶ್ರೀ ಚಿತ್ರಮಂದಿರದಲ್ಲಿ 'ಕೆಜಿಎಫ್ 2' ಸಿನಿಮಾ ರಾತ್ರಿ 9 ಗಂಟೆ ಶೋ ಪ್ರದರ್ಶನ ಆಗುತ್ತಿತ್ತು. ಸುಮಾರು 10.30ರ ವೇಳೆಗೆ ಮುಗಳಿ ಗ್ರಾಮದ 28 ವರ್ಷದ ವಸಂತ ಕುಮಾರ್ ಸಣ್ಣ ಕಲ್ಲಪ್ಪ ಶಿವಪುರ ಮೇಲೆ ಶೂಟ್ ಔಟ್ ನಡೆದಿದೆ.

ಶೂಟ್ ಔಟ್ ವೇಳೆ ಗಂಭೀರವಾಗಿ ಗಾಯಗೊಂಡಿದ್ದ ವಸಂತ ಕುಮಾರ್ ನನ್ನ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗುಂಡು ಹಾರಿಸಿದ ವ್ಯಕ್ತಿ ಪರಾರಿಯಾಗಿದ್ದು ಆತನ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.
ವಸಂತ ಕುಮಾರ್ ಸ್ನೇಹಿತರ ಜೊತೆ ರಾತ್ರಿ ಸಿನಿಮಾ ನೋಡಲು ತೆರಳಿದ್ದರು. ಈ ವೇಳೆ ವಸಂತಕುಮಾರ ತಾನು ಕುಳಿತಿದ್ದ ಮುಂದಿನ ಕುರ್ಚಿಯ ಮೇಲೆ ಕಾಲಿಟ್ಟಿದ್ದ. ಕಾಲನ್ನು ತೆಗೆಯುವಂತೆ ಆರೋಪಿ ಹೇಳಿದ್ದು, ಈ ವೇಳೆ ಇಬ್ಬರ ನಡುವೆ ಗಲಾಟೆ ನಡೆದಿತ್ತು ಎನ್ನಲಾಗಿದೆ.

ಗಲಾಟೆ ಬಳಿಕ ಆರೋಪಿ ಚಿತ್ರಮಂದಿರದಿಂದ ಹೊರಗೆ ಹೋಗಿದ್ದ. 10 ನಿಮಿಷದ ಬಳಿಕ ಒಳಗೆ ಬಂದು ವಸಂತಕುಮಾರ್ ಮೇಲೆ ಮೂರು ಸುತ್ತು ಪಿಸ್ತೂಲಿನಿಂದ ಗುಂಡು ಹಾರಿಸಿದ್ದಾನೆ. ಎರಡು ಗುಂಡು ಕಾಲಿಗೆ ಬಿದ್ದಿದ್ದು, ಇನ್ನೊಂದು ಮಿಸ್ ಫೈಯರ್ ಆಗಿತ್ತು. ಈ ಘಟನೆಯಿಂದ ಬೆಚ್ಚಿಬಿದ್ದ ಪ್ರೇಕ್ಷಕರು ಥಿಯೇಟರ್ ನಿಂದ ಹೊರಗೆ ಓಡಿ ಹೋಗಿದ್ದಾರೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರೋ ಶಿಗ್ಗಾವಿ ಪೊಲೀಸರು ಆರೋಪಿಯ ಪತ್ತೆಗೆ ಬಲೆ ಬೀಸಿದ್ದಾರೆ.