UNCATEGORIZED: ಬೆಳಗಾವಿ: ಕೊರೊನಾ ಓಡಿಸಲು ಬೆಳಗಾವಿಯಲ್ಲಿ ಬಿಜೆಪಿಯಿಂದ ಹೋಮ ನಡೆಯುತ್ತಿದೆ. ಕಳೆದ ಬಾರಿ ಜಾಗಟೆ ಬಾರಿಸಿ, ದೀಪ ಹಚ್ಚಿ ಕೊರೋನಾ ಓಡಿಸುವ ನಾಟಕವಾಡಿದ್ದ ಬಿಜೆಪಿ ಮತ್ತದೇ ಹಳೇ ಚಾಳಿಯನ್ನು ಮುಂದುವರಿಸಿದೆ. ಬೆಳಗಾವಿ ದಕ್ಷಿಣ ಮತಕ್ಷೇತ್ರದ ಗಲ್ಲಿಗಲ್ಲಿಗಳಲ್ಲಿ ಬಿಜೆಪಿ ಶಾಸಕ ಅಭಯ್ ಪಾಟೀಲ್ ನೇತೃತ್ವದಲ್ಲಿ ಕೊರೋನಾ ಓಡಿಸುವುದಕ್ಕೆಂದು ಹೋಮ ಹವನ ನಡೆಸಲಾಗುತ್ತಿದೆ. ಬಡಾವಣೆಗಳ ಮನೆಗಳ ಮುಂದೆ ಬೆರಣಿ, ಕರ್ಪೂರ, ತುಪ್ಪ, ಗುಗ್ಗಳ ಹಾಕಿರುವ ಅಗ್ನಿಕುಂಡಗಳನ್ನಿಟ್ಟು ಹೋಮ ನಡೆಸಲಾಗುತ್ತಿದೆ. ಸುಮಾರು 50 ಕಡೆಗಳಲ್ಲಿ ಈ ರೀತಿ ಹೋಮ ನಡೆಸುತ್ತಿರುವುದು ವರದಿಯಾಗಿದೆ. ಕೊರೋನಾ ಸೋಂಕು ನಿವಾರಣೆಗೆ ನಿಜವಾಗಿಯೂ ಮಾಡಬೇಕಾದುದನ್ನು ಮರೆತು ಇಂಥ ಆಚರಣೆಗೆ ಇಳಿದಿರುವುದರಿಂದ ಸಾಂಕ್ರಾಮಿಕ ನಿವಾರಣೆ ಸಾಧ್ಯವೇ ಎಂಬುದು ನರ ಪ್ರಶ್ನೆಯಾಗಿದೆ.