DISTRICT: ಬಾಗಲಕೋಟೆ: ಮಹಾಮಾರಿ ಕೊರೊನಾದಿಂದಾಗಿ ಇಡೀ ಕರುನಾಡೇ ಸ್ತಬ್ಧವಾಗಿದೆ. ಲಾಕ್ ಡೌನ್ ಜಾರಿಯಿಂದ ಅದೆಷ್ಟೋ ಬಡ ಜನರಿಗೆ ಆಹಾರ ಸಿಗುತ್ತಿಲ್ಲ. ಬೀಳಗಿ ಕಲ್ಮಠದ ಶ್ರೀಗಳು ಹಾಗೂ ಭಕ್ತರು ಸೇರಿ ಕೋವಿಡ್ - 19 ಸಂಕಷ್ಟ ಸೇವಾ ಸಮಿತಿ ರಚನೆ ಮಾಡಿಕೊಂಡು ಹುಬ್ಬಳ್ಳಿ ವಿಜಯಪುರ ಹೈವೇನಲ್ಲಿ ಓಡಾಡುವಂಥ ವಾಹನದ ಚಾಲಕರಿಗೆ ಪ್ರಸಾದ ಸೇವೆ ಮಾಡಿದ್ದಾರೆ. 5 ದಿನಗಳಿಂದ ಇಲ್ಲಿವರೆಗೆ ನಡೆಯುತ್ತಿರುವ ಈ ಸೇವೆಯಲ್ಲಿ ಶ್ರೀಗಳ ಮುಂದಾಳತ್ವದಲ್ಲಿ ಕಡು ಬಡವರಿಗೆ ಹಾಗೂ ಅನಾಥಾಶ್ರಮಗಳಿಗೆ ತೆರಳಿ ಅವಶ್ಯವಿರುವ ವಸ್ತುಗಳನ್ನು ದಿನಸಿ ಕಿಟ್ ಗಳನ್ನು ನೀಡಿ ಮಾನವೀಯತೆ ಮೆರೆಯುತ್ತಿದ್ದಾರೆ. ಬಾಗಲಕೋಟೆ ಜಿಲ್ಲೆಯ ಬೀಳಗಿ ಕ್ರಾಸ್ ನಲ್ಲಿರುವ ಕನಕದಾಸ ವೃದ್ಧಾಶ್ರಮಕ್ಕೆ ಶ್ರೀಗಳ ನೇತೃತ್ವದಲ್ಲಿ ಭೇಟಿ ನೀಡಿ, ವೃದ್ಧರಿಗೆ ಆಹಾರ ಕಿಟ್ ವಿತರಿಸಿದ್ರು, ವೃದ್ಧರಿಗೆ ಹೊದಿಕೆ,ಹಾಸಿಗೆ,ನಿತ್ಯ ಬಳಸುವ ವಸ್ತುಗಳುಳ್ಳ ಕಿಟ್ ವಿತರಣೆ ಮಾಡಿದರು. [video width="640" height="320" mp4="http://24x7livekannada.com/wp-content/uploads/2021/06/bilagi.mp4"][/video] ಟಂಕಸಾಲಿ ಸಹೋದರರು ನೀಡಿರುವ ಹಾಸಿಗೆ ಹೊದಿಕೆ, ಜೊತೆಗೆ ಶ್ರಿಗಳೊಂದಿಗೆ 25ಜನ ಭಕ್ತರು ಸೇರಿ, ಕೋವಿಡ್ ಪರಿಹಾರ ಸಮಿತಿಯೊಂದಿಗೆ ಮಾನವೀಯ ಕಾರ್ಯ ಮಾಡುತ್ತಿದ್ದಾರೆ.ನಿತ್ಯ ಸಾಯಂಕಾಲ ಹುಬ್ಬಳ್ಳಿ ಸೊಲ್ಲಾಪುರ ರಾಷ್ಟ್ರೀಯ ಹೆದ್ದಾರಿಯ ಬೀಳಗಿ ಕ್ರಾಸ್ ಮೂಲಕ ಹಾಯ್ದು ಹೋಗುವ ವಾಹನ ಚಾಲಕರು, ಸಹಾಯಕರಿಗೆ ಉಪಹಾರದ ಕಿಟ್ ವಿತರಣೆ ಮಾಡುತ್ತಿದ್ದಾರೆ. ವೃದ್ಧಾಪ್ಯದ ದಿನಗಳಲ್ಲೂ ಮಕ್ಕಳೊಂದಿಗೆ ಜೀವನ ಸಾಗಿಸಬೇಕಿದ್ದ ವೃದ್ಧರು ವೃದ್ಧಾಶ್ರಮದಲ್ಲಿರಬೇಕಾದ ಸಂಕಷ್ಟ ಸಮಯದಲ್ಲಿ ಶ್ರೀಗಳು ನೆರವಿಗೆ ಬಂದಿದ್ದಾರೆ.