NEWS:

ಬುಚಾ (ಉಕ್ರೇನ್): ರಷ್ಯಾದ ಪಡೆಗಳು ನೂರಾರು ನಾಗರಿಕರನ್ನು ಕಗ್ಗೊಲೆ ಮಾಡಿ ಅತ್ಯಾಚಾರವೆಸಗಿದ ಉಕ್ರೇನ್​ನ ಬುಚಾ ಪಟ್ಟಣಕ್ಕೆ ಭೇಟಿ ನೀಡಿದ ಯುರೋಪಿಯನ್ ಕಮಿಷನ್ ಅಧ್ಯಕ್ಷ ಉರ್ಸುಲಾ ವಾನ್ ಡೆರ್ ಲೇಯೆನ್ ಅವರು ಬುಚಾ ಜನರೊಂದಿಗೆ ಜಗತ್ತು ಸಂತಾಪ ಸೂಚಿಸುತ್ತದೆ ಎಂದಿದ್ದಾರೆ.

ಮಾಧ್ಯಮ ಪ್ರತಿನಿಧಿಗಳನ್ನುದ್ದೇಶಿಸಿ ಮಾತನಾಡಿದ EU ಅಧ್ಯಕ್ಷರು "ಇಲ್ಲಿ ಬುಚಾದಲ್ಲಿ ನಾವು ಮಾನವೀಯತೆಯನ್ನು ಛಿದ್ರಗೊಳಿಸುವುದನ್ನು ನೋಡಿದ್ದೇವೆ ಮತ್ತು ಇಡೀ ಜಗತ್ತು ಬುಚಾದ ಜನರೊಂದಿಗೆ ಶೋಕಿಸುತ್ತಿದೆ.. ಆದ್ದರಿಂದ ಈ ಪ್ರಮುಖ ಹೋರಾಟದಲ್ಲಿ ನಾವು ಅವರೊಂದಿಗೆ ನಿಲ್ಲುತ್ತೇವೆ" ಎಂದು ಬುಚಾದಲ್ಲಿ ಹೇಳಿದರು. ಇಲ್ಲಿನ ಸಾಮೂಹಿಕ ಸಮಾಧಿಗೆ ಭೇಟಿ ನೀಡಿದ ಸಮಯದಲ್ಲಿ ವಾನ್ ಡೆರ್ ಲೇಯೆನ್ ಈ ರೀತಿ ಹೇಳಿದ್ದಾರೆ.

ಇಲ್ಲಿನ ಸಾವುಗಳು ರಷ್ಯಾ ಸೈನಿಕ ಕ್ರೂರ ಮುಖವನ್ನು ತೋರಿಸುತ್ತದೆ ಮತ್ತು ಯೂರೋಪಿಯನ್ ಒಕ್ಕೂಟದ ಸದಸ್ಯನಾಗಲು ಉಕ್ರೇನ್ ಪ್ರಯತ್ನವನ್ನು ವೇಗಗೊಳಿಸಲು ಪ್ರಯತ್ನಿಸುವುದಾಗಿ ಹೇಳಿದರು.