SPORTS:

ಲಂಡನ್ : ಲಿಯೋನೆಲ್ ಮೆಸ್ಸಿ ಬಾರ್ಸಿಲೋನಾ ಕ್ಲಬ್ ತೊರೆದು ಕೆಲವು ದಿನಗಳು ಕಳೆಯುತ್ತಿದ್ದಂತೆ ಫುಟ್ಬಾಲ್ ಜಗತ್ತಿನ ಮತ್ತೊಬ್ಬ ಶ್ರೇಷ್ಠ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊ ಇಟಲಿಯ ಯುವೆಂಥೊಸ್ ಕ್ಲಬ್ ತೊರೆದು ತಾವು ಮೊದಲು ಆಡಿದ್ದ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡವನ್ನು ಸೇರಿದ್ದಾರೆ.

ಯುವೆಂಥೊಸ್ ಕ್ಲಬ್ ನಲ್ಲಿ ವರ್ಷಕ್ಕೆ 268 ಕೋಟಿ ರೂ.ಗಳ ಸಂಭಾವನೆ ಪಡೆಯುತ್ತಿದ್ದ ರೊನಾಲ್ಡೊ ಅವರಿಗೆ ಮ್ಯಾಂಚೆಸ್ಟರ್‌ ಯುನೈಟೆಡ್‌ ಎಷ್ಟು ಮೊತ್ತಕ್ಕೆ ಖರೀದಿಸಿದೆ ಎಂಬುದು ಸದ್ಯಕ್ಕೆ ಬಹಿರಂಗಗೊಂಡಿಲ್ಲ.ಈ ಗುತ್ತಿಗೆ ಎರಡು ವರ್ಷದ ಅವಧಿಗೆ ಆಗಿರುತ್ತದೆ.

2003ರಲ್ಲಿ ರೆಡ್ ಡೆವಿಲ್ಸ್ ತಂಡವನ್ನು ಸೇರಿದ್ದ ರೊನಾಲ್ಡೊ 196 ಪಂದ್ಯಗಳನ್ನಾಡಿ 86 ಗೋಲುಗಳನ್ನು ಗಳಿಸಿದ್ದರು. ನಂತರ 2009ರಲ್ಲಿ ರಿಯಲ್ ಮ್ಯಾಡ್ರಿಡ್ ಸೇರಿದ್ದರು