SPORTS:

ನ್ಯೂಯಾರ್ಕ್: ಫೆಲಿಕ್ಸ್ ಆಗರ್ ಅಲಿಯಾಸ್ಸಿಮೆ ಯುಎಸ್ ಓಪನ್ ಟೆನಿಸ್ ಚಾಂಪಿಯನ್ಷಿಪ್ ನ ಸೆಮಿಫೈನಲ್ ತಲಪುವುದರೊಂದಿಗೆ 140 ವರ್ಷಗಳಲ್ಲಿ ಈ ಸಾಧನೆ ಮಾಡಿದ ಕೆನಡಾದ ಮೊದಲ ಟೆನಿಸ್ ಆಟಗಾರನೆನಿಸಿದ್ದಾರೆ.

14ನೇ ವಯಸ್ಸಿನಲ್ಲೇ ಎಟಿಪಿ ಟೂರ್ ಚಾಲೆಂಜರ್ ಮೂಲಕ ಗಮನ ಸೆಳೆದಿದ್ದ ಫೆಲಿಕ್ಸ್ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸ್ಪೇನಿನ ಕಾರ್ಲೋಸ್ ಅಲ್ಕರಾಜ್ ವಿರುದ್ಧ 6-3, 3-1 ಅಂತರದಲ್ಲಿ ಮುನ್ನಡೆಯಲ್ಲಿದ್ದಾಗ ಸ್ಪೇನ್ ನ ಆಟಗಾರ ಗಾಯಗೊಂಡು ನಿವೃತ್ತಿ ಹೊಂದಿದರು. ಇದರೊಂದಿಗೆ 2009ರ ನಂತರ ಯುಎಸ್ ಓಪನ್ ಸೆಮಿಫೈನಲ್ ತಲುಪಿದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಫೆಲಿಕ್ಸ್ ಪಾತ್ರರಾದರು.

ವನಿತೆಯರ ವಿಭಾಗದಲ್ಲೂ ಕೆನಡಾ ದಾಖಲೆ:

19 ವರ್ಷದ ಲೈಲಾ ಫರ್ನಾಂಡೀಸ್ ಯುಎಸ್ ಓಪನ್ ಟೆನಿಸ್ ಚಾಂಪಿಯನ್ಷಿಪ್ ನ ಸೆಮಿಫೈನಲ್ ತಲಪುವ ಮೂಲಕ ಕೆನಡಾದ ಯುವ ಆಟಗಾರರು ಅಮೆರಿಕದಲ್ಲಿ ಪ್ರಭುತ್ವ ಸಾಧಿಸಿದ್ದಾರೆ.

ಉಕ್ರೇನಿನ ಎಲಿನಾ ಸ್ವೆಟೊಲಿನಾ ವಿರುದ್ಧ 6-4, 3-6, 7-6 ಅಂತರದಲ್ಲಿ ಜಯ ಗಳಿಸುವ ಮೂಲಕ ಮಾರಿಯಾ ಶರಾಪೋವ ನಂತರ ಸೆಮಿಫೈನಲ್ ತಲುಪಿದ ಅತ್ಯಂತ ಕಿರಿಯ ಆಟಗಾರ್ತಿ ಎನಿಸಿದ್ದಾರೆ.